2012

Urriak 4, 5 eta 6, 18:00etatik 21:00etara
Sarrera doan. San Telmo museoan

Formatu aldagarria izango duen saioa, honako gonbidatuok aktibatutakoa:
Cristina Blanco, Manuel Cirauqui, Peio Aguirre,
Alice Chauchat, Juan Domínguez, Itziar Okariz

Saioaren gidariak:
Ion Munduate y Blanca Calvo

Kanpoko berriemailea:
Amaia Urra

Gorputzik gabeko ahotsa, maitasunerantz da proposatzen dizuegun programa, urriaren 4tik 11ra Donostian izango dena. Programa hau Special Issue (Edizio Berezia) europako zentroekin sarean garatzen den programaren barne dago. Sare hau Les Laboratoires d'Aubervilliers, In-presentable (Madrid), Station (Belgrad), Hybris Konstproduktion (Stockholm), BIS (Istanbul) eta Mugatxoan (Donostia) egiturek osatzen dute, zeintako  artisten helburua den testuinguru egokiak ekoiztea asma-bidean dagoen arte baterako.

1 Emanaldia performancez, hitzaldiz, solasaldiz eta esku-hartzen hornitutako irratsaioa da, aldiberean gertatuko dena STM-ko Laborategian eta irrati libre batean. Formatu aldagarria izango duen saioa, honako gonbidatuok aktibatutakoa: Cristina Blanco, Manuel Cirauqui, Peio Aguirre, Alice Chauchat, Juan Domínguez e Itziar Okariz.

Irrati saioaren ideia sortu zen, azken hamar urteotan Mugatxoan-etik pasa diren artistei egindako elkarrizketen jarraipen modura. Elkarrizketetan azaldu nahi ziren duela hamar urte lanerako baliatzen zituzten lekuak, jarrera eta autonomia, eta gaur egun dituztenak. Berehala sortzen da topaketa baten hiztegia eta bakoitzaren egoerak eta lan prozesuak irudikatzeko eta adierazteko erabilitako terminologiaren inguruko definizioa eta eztabaida. Horrek bultzatu gintuen gure arreta eta asmoa entzunezko bitartekoan jartzera, bere inmaterialtasunagatik; aldi berean, pentsatu genuen argitalpen lerro bat zabaltzea prozesu artistiko bat idatzira “itzultzeko” arazoa lantzeko.

Izena emateko azken eguna irailak 5. Bidali zure eskaera helbide honetara info@mugatxoan.org

Una voz sin cuerpo, hacia el amor  [Gorputzik gabeko ahotsa, maitasunerantz] da proposatzen dizuegun programa, urriaren 4tik 11ra Donostian izango dena. Programa hau Special Issue [Edizio Berezia] Europako zentroekin sarean garatzen den programaren barne dago.
Sare hau Les Laboratoires d'Aubervilliers, In-presentable (Madrid), Station (Belgrad), Hybris Konstproduktion (Stockholm), BIS (Istanbul) eta Mugatxoan (Donostia) egiturek osatzen dute, zeintako  artisten helburua den testuinguru egokiak ekoiztea asma-bidean dagoen arte baterako.

13 zenbakia zorte txarrarekin edo zorigaiztoarekin lotu ohi dugu. Baina gu ere sineskerizaleegiak ez gara. Aldrebes, herrialde aunitzetako artistak gonbidatzen ditugu gure sinesgaitzak beraiekin elkartrukatzeko. Eskaileren azpitik pasatzeko prest gaude, katu beltzekin bizitzeko ere, baita horiz janzteko, horrek ongi pasatzea erran nahi badu. Film esperimentalak, kontzertu inmersiboak, urarekin egindako musikak, soinu-otorduak, futbol zelaietako kantuak, manifestazioetako musikak, flamenko eta jota saltsak, soinuarekin egindako masaje sesioak edo entzumenari buruzko pelikulak zain ditugu.
Zure sineskeriek uzten badizute, gure aldetik gonbidatuta zaude.

Azken urteotan gertatu izan den bezala ERTZ jaialdia hiru zati nagusitan banatuko da aurten ere: BERAn ospatuko diren hiru egunak, DONOSTIAn ospatuko diren HIRUGARREN BELARRIA jardunaldiak eta azkenik HAZPARNEn ospatuko den azken jaialdi eguna. Informazio gehiagorako ikusi egitarau osoa.

AUSKAL MUTURREKO MUSIKA t(r)o(n)paketek gure geografiako hainbat sortzailek soinuaren inguruan jorratzen duten zenbait ideia, egitasmo eta lanentzako topaleku eta gehienbat eztabaidarako leku izan nahi dute.
Egiten duguna ez da muturrekoa, ezta hain auskalokoa eta akaso ezta musika ere.
Hortaz, gure helburua EZ da norbaitek “eszena” bezala definitu nahiko lukeen gisako zeozerren inguruko ikuspegi bat ematea, eta hain zuzen horregatik, erabili dugu izen hori, mitifikatu baino desmitifikatzeko helburuarekin eta sarkasmo puntu batekin.
Helburu nagusi bakarra, zentralizatzailea baino, foro aldakor eta behin-behineko bat sortzea da, eztabaidarako, hizketarako eta geure lanak zalantzan jartzeko balioko duena.

Ibaia zenbat eta gehiago hazi, orduan eta aukera gehiago urak jaioberritzeko. Artelekuren kasuan, galdu ditugu osagai fisiko batzuk, baina ez artearentzat leku hain berezi honetan berebiziko garrantzia duen giza bertute bat:  elkarlana. Erakusketak gainezka bete ditu, sotiltasun saiatu batez, are Urumea harrotu hark hartu ez zituen txokoak. Era guztietako arte estiloak zabalduz:  margoa, grabatua,plastika, bideoa, dantza, instalazioak, performancea, ehun diseinua… Uraldi asaldatua bere onera etorrita, nabarmen antzematen da ARTELEKU BIZIRIK DAGOELA, zeren eta naturaren ezbehar batengatik ez baita Artelekun biltzen den energia ahituko, neurriz aldatu baizik; neurri maitatuago baterantz. 

Ramuntcho Robles Quevedo



           Horregatik Artelekuko artistek bertara gerturatzea gonbidatzen zaituztegu gurekin esperientzi hau bizitzeko. Eta nahi izanez gero parte hartzeko ere!

          Ikusi, entzun, pentsatu, sentitu eta elkarrekin sortu.

Otsailak 24, 25 eta 26. 18:00etatik 21:00etara
San Telmo Museoko Laborategi aretoan. Sarrera doan

Gorputza desagertzen denean proiektuaren helburua zenbait forma/praktikaren esperimentazioan oinarrituta, diskurtsoa sortzean datza. Praktika horiek testuinguru ezberdinetan garatzea proposatzen du, zalantzan jarriz egungo formatu diskurtsiboen esperimentazioa, performancea argitalpen gisa eta praktika hauek plazaratzea ikuslego berri eta zabalago baten aurrean. Proiektu honek, urtean zehar, hainbat une ikusgarri izango ditu eta bigarren atal honetan, 0 Emanaldia saioa aurkezten du.

0 Emanaldia performancez, hitzaldiz, solasaldiz eta esku-hartzen hornitutako irratsaioa da, aldiberean gertatuko dena STM-ko Laborategian eta irrati libre batean.

Esperientzia prozesual eta ireki honen bitartez, performancearen eremuan objektu immaterialaren eta ikuslearen artean sortzen diren harreman-praktikak eta euren modu presentzialetik kanpo elementu horietako batzuen garapena aktibatzea da, modu diskurtsiboagoen mesedetan. Saio hau proposatzen diren jardueren pertzepzioa horiek gertatzen diren lekutik kanpora deslokalizatzeko saiakera bat da. Nola egon, egon gabe? Soinua desmaterializaziorako bitarteko gisa.

Peio Agirrerekin.

Deialdiaren informazio guztia: Peio Aguirreren tailerra PDF

Izena emateko azken eguna otsailak 3. Bidali zure eskaera helbide honetara info@mugatxoan.org

Noiz otsailak 10, ostirala 19:30etan / otsailak 11, larunbata 19:30etan
Non Guardetxea, Urgull

Sistematurgy Prozesuak esperientzia kolaboratibo bat da, Arteleku-Tabakaleran Marcel.Lí Antúnezek  (Fura del Baus) eskeinitako SISTEMATURGIA tailerrean egindako performance-instalazio bat. Lankidetza honetan artistek, performerrek, arkitektuek... hartu dute parte espazioa, denbora eta sareararen arteko harremanak esploratzeko.

Artelan hau instalazio parte hartzaile eta performanceduna da, instalazio interaktibo gisa ere ulertu daitekeena. Hala, ikuslegoak erabakiko du espektakuluren nondik norakoa.

Urgulleko Guardetxean egingo da ikuskizuna. Software eta hardware librea erabiliz zenbait hilabeteetan zehar egindako ibilbide birtualean barneratzera gonbidatzen ditugu artea, zientzia, ezagutza orokorra eta adin guztietarako teknologia berriak maite dituzten guztiak. Egin dezazutela bada 720 gradutako murgilketa gure unibertsoaz harremanetan jartzeko modu berrietarantz!

Abenduan izandako 3D inprimagailuak eraikitzeko tailerraren jarraipen bezala, lan topaketa egingo da fabrikazio digitala gai nagusi hartuta. Topaketa honetan, pasa den abenduan eraikitako inprimagailuak doitu eta probak egingo dira.

Noiz Urtarrilak 12, 19:30etan

Non Koldo Mitxelena Kulturunean

Hizlaria Maria PTQK 

Arte mundua aldaketa egoera batean dago. Testuinguru jakin batean kokatzearen garrantiaz gero eta jabetuago, eta honek eskatzen dituen aldaketa metodologikoetan murgilduta dago, natura eta komunitatera gerturatze bidean.

Asko dira, ekologia, ekintza soziala eta arte digital eta elektronikoaren arteko arrakaletan lanean hasi diren artistak. Paradigma berri honen ezaugarriak, proiektu eta espazioen zabaltasuna eta partehartzeko aukera dira.

Noiz: Urtarrilak 10 eta 11

Lekua: Cristina Enea Fundazioa

Tresnak::Tools ikaskuntza jardunaldiek teknologia berrietara gerturatze bat proposatzen dute sarrera-saio batzuen bitartez, ondoren, ezagutza hori sorkuntza esparruan aplikatzeko helburuarekin. Hastapen-saio horietan, hainbat software eta hardware tresna aurkeztuko dira: teknologia zehatz batetara hurbilketa izango da, primerakoa aurrez ezagutzarik ez duten pertsonentzat.

Taller honek informazioaren diseinu eta bistaratzea sarrera izatea du helburu. Datuen bistaratzea informazioa ikusizko moduan erakusteaz arduratzen den diziplina da, gerora datuen harremanak, ereduak edota mendekotasunak ulertzen saiatzeko haiek sartuta dauden multzo abstraktu erraldoiaren barruan; datu hauek disziplina anitz eta desberdinak (prozesu naturalak, zientifikoak edota gizarteenak) sortuak izan daitezkela.

Alde praktikoan, prozesu batek sortzen dituen datuak ulertzeko bistaratze diseinu desberdinak ikertu eta landuko ditugu, prozesu hau ekosistema ezaguna bat izanda: sensoredun baratze bat.

Noiz Urtarrilak 10-14

Non San Telmo Museoa

Open Sound proiektua herrialde ezberdinen, lankideen eta ikasketa prozesuan dauden taldeen arteko elkartrukea da. Proiektu honek irakasle eta ikaslearen arteko distantzia ezabatu nahi du. Baita artista profesional eta audientzia pasibo baten arteko diferentzia ere. Elkarkidetzan ikastea bultzatzeko Open Sound taldeak tailerrak, jardunaldiak eta hedapenerako topaketak antolatuko ditu arretarik handiena beti soinuaren itxura ezberdinei emango zaielarik. Jarrera informal batetik abiatuta integrazioa, elkartrukea eta leku nahiz herrialde bakoitzak bere-bereak dituen ezaugarri eta esperientziak aztertuko dira.