MARÍA JOSÉ BELBEL
Spivak v-z idatzen da
Bilboko Arte Ederreko Museoan Kiss Kiss Bang Bang, 45 años de arte y feminismo
erakusketa izan da, Xabier Arakistain komisario zuela. Espainiar estatuan egin
diren lehen nazioarteko erakusketa feminista kolektiboen artean dago, eta
jarraitu egiten du laurogeita hamarreko hamarkadaren hasieran, eskala apalago
batean, beste erakusketa proiektu batzuek egindako lan aitzindaria, hala nola
100x100: diez artistas andaluzas, 1993an Sevillako Arte Garaikideko Museoan Mar
Villaespesa komisario zela. Hamarkada honetan Estatu Batuetako eta Europako
artista feministen zenbait banakako erakusketa egin dira, baina haietako
gehienei faltatu izan zaie beharrezko kontestualizazioa feminismoan, arte
mugimendu politiko kolektiboa den aldetik, eta horrek gutxitu egin du arte
feministaren garrantzia diskurtsosortzailea den aldetik, eta ia ez du balio
izan gure herrialdean artista feministek egindako lana ikusgai egiteko, ezta
tokiko testuinguruak eta lan-sareak, jakite/ahalmen produktiboak sustatzeko
ere.
--------------------------------------------
ptqk Chúpame el código 2.0 Ciberfeminismo en tiempos de guerra
1997an Kassel-eko Documentan parte hartzen ari zen emakume talde batek
"Ziberfeminismoaren 100 antitesiak" izeneko testua izenpetu zuen.
Bertan, ironiak interbentzio politiko erradikalaren mesedetan erabili zitekeen
arma gisa zeukan indarra aldarrikatu zuten, "Ziberfeminismoa ez da
fragantzia bat, ez da pipa bat, ez da fake bar, ez da genetikoa, ez da
lengoaia bakarduna...".