Ikusizko (eko) sistemak Processing bidez
Tailerra | online tailerra
2013/03/12 - 2013/04/16

Ikusizko (eko) sistemak Processing bidez

Parte-hartzaileak

Koordinatzaileak: Daniel Artamendi  eta Aritz Zabaleta
Laguntzailea: Donostiako Informatika Fakultatea
Bertaratzeko egunak: Osteguna, martxoak 14; osteguna, martxoak 21; osteguna, apirilak 11; eta asteartea, apirilak 16
Online egunak: Martxoaren 12tik apirilaren 16ra
Ordutegia: 15:00 – 18:30
Parte hartzaileen kopurua: Gehienez 14
Izena emateko azken eguna: Martxoak 11. Bidali zure datu pertsonalak eta CVa helbide honetara: info@arteleku.net. 


    Softwarea modelatze eta irudikatze tresna gisa erabilita, ikusizko (eko) sistemen bidez sortu ahal izango dira bizitza nozioaren gainean eta horren barnean egon daitezkeen antolamenduen gainean espekulatu, imitatu eta emulatzeko gai izango diren sistemak.

    Zer da sistema?


     “Sistema, definizioa: Sistema  objektu konposatu bat da, eta osagaiek erlazioa dute gutxienez beste osagai batekin. Sistema askok ezaugarri komunak dituzte:
- Sistema batek egitura bat du, eta osagaiak erlazionatuta daude elkarren artean zuzenean edo zeharka.
-  Sistema batek portaera bat dauka, eta sarrerak irteera bihurtzen dituzten prozesuak ditu (materialak, energetikak edo datu moduan)
- Sistema bat konektatuta dago, osagaiak eta prozesuak lotuta baitaude egiturazko eta portaerazko erlazioen bidez.
- Sistema baten egitura eta portaera deskonposatuak izan daitezke oinarrizko osagai eta pausotan azpisistemen eta azpiprozesuen bitartez.”

    Zergatik sistema biologikoak?

    Naturako talde batzuek, hala nola, erlekumeek, hegazti multzoek eta artaldeek, beste askoren artean, sistemen egiturazko eta portaerazko ezaugarri berak dituzte. Askotan, sistema horiek portaera auto-antolatzaileei erantzuten diete, eta portaera eredu berriak sortzeko eta aztertzeko material gisa erabiliko dira.
   
    Zertarako kodea?

    Programazioaren erabileraren bitartez sistemak definituko ditugu, portaera eta egitura biologikoetatik baliokide logikoak aterata, eta, horrela, elementu horiek aldatzeko eta beraiekin jolasteko aukera izango dugu. Aldi berean, kodeak aukera ematen digu ikus-entzunezko irudikapenak definitzeko eta birdefinitzeko.
   
     Tailerrak 4 asteko iraupena izango du eta internet bidez egingo da, baina, aldi berean, zuzeneko lau saio izango dira, parte hartzaileek zalantzak argitu eta egindako lana konpartitu ahal izateko.
Daniel Shiffman-en The Nature of Code liburua erabiliko dugu baliabide nagusi gisa ( www.natureofcode.com orrian eskura daiteke), eta tailerreko irakasleek proposatutako  material gehigarriarekin osatuko dugu. Halaber, e-learning moodle tresna erabiliko dugu eta Processing framework-a programazio-lengoaia gisa.

Ikastaro hau EHUko erabilera libreko kreditu batekin baliozkotu daiteke.

Oharrak: Parte hartzaileek zerbait jakin behar dute programazioaren inguruan, hobe Java baldin bada.  Ordenagailua izan behar dute eta lotura internetera, online saioetarako.

Biogrfiak:

Daniel Artamendi informatikan ingeniari da. Hainbat artistekin elkarlanean aritu da 2008tik , lan hauek Espainia eta Europa mailan erakutsitakoak arte eta teknologiari buruzko festibal eta jardunaldietan. 2009an Medialab-Pradoko “Datos públicos, datos en público” tailerrean lan egin zuen tekniko laguntzaile bezala. 2009 urtetik hona Artelekuko multimedia zerbitzuaren arduraduna da.

Aritz Zabaleta
ingeniaritza informatikoko ikaslea da, eta Tabakaleran lan egin du laborategien laguntza teknikoan. Bertan open data inguruan lan egin zuen besteak beste. Sorkuntzako programazioari buruz tailerrak eman ditu ere bai, Processing programazio lengoaia erabiliz.

Loturak:
www.processing.org
www.natureofcode.com
www.shiffman.net/

iCal
Dokumentu Akzioak