Zuzendaritza:
Juan
Antonio Álvarez Reyes
Irakasle-hizlariak:
Mckenzie
Wark, Yan Duyvendak, Iñaki Gracenea, Molleindustria eta Tobias
Bernstrup
Parte-hartzaileak,
gehienez: 15
Bideo-jokoak nazioartean izaten ari diren
goraldia, bai aisialdirako industria gisa – ekonomikoki zinemaren
eta musikaren industriak batera adina bolumen metatu duela jada -,
eta bai egungo arte adierazpen berrien artean ere, izan da honako
lantegi hau antolatu izanaren arrazoia. Zalantzarik gabe, aisialdia
betetzeko modu honek, gazteen artean arrakasta itzela izaten ari
denak, helarazten duen mundu ikuskera aztertzea beharrezkoa da. Gure
ikusizko kulturaren barne, era berean, bere eremuaz harago iristen
diren irudi ahaltsuak eskaintzen ditu, ikusizko beste eremuetan
eragina izatera iritsiko direnak, esate baterako, zineman,
publizitatean edo ikusizko gainerako arteetan. Arlo hau lantzen duten
artistek abiapuntutzat dute jarrera nabarmen kritikoa, bai sortu izan
diren gizartearekiko eta baldintzapen politikoekiko, bai bitarteko
horrekiko berarekiko.
Hiru izan litezke aztertu beharreko
ardatzak, zerikusia dutenak, hain zuzen ere, arteari nahiz gizarteari
atxikitako arazoekin: arriskua, simulazioa edo itxuraketa, eta
bortizkeria. Arriskua aztertzeko Ulrich Beck pentsalari alemanaren
teoriak hartuko dira abiaburutzat, eta haren Risikogesellchaft lana
(Arriskuaren gizartea), “orokortutako arduragabekeria” egoera
batez ari baita bertan; beste aldetik, Jean Baudrillarden teoriak
–zendu denez gero- eta simulakroaren garaipenari buruz egin zuen
saiakera, hau da, itxuraketa errealitateari nagusitzen zaiola,
ordezkatuz eta haren lekua hartuz; eta azkenik, Paul Virilio, eta
beldurraren, bortizkeriaren eta horien gaineko produkzio mediatikoari
buruz hark egindako azterketak, Politics of the Very Worst
(Okerrenaren politikak), edo Art and Fear (Artea eta izua) lanetan
azaldu izan dituenak. Ildo kontzeptual horien bidez, bideo-jokoen
eremura ekar daitekeen esparru teoriko bat eratuko da, izan ere,
haren alderdi erabakigarrienetako bat baita arriskua eta bortizkeria
nabarmen agertzen dituzten mundu paraleloen itxuraketa; eta, azkenik,
aipamena egingo zaio aukera berrietan saiatzeko premiari –nahiz eta
porrotaren zantzuak ere oso agerikoak izan-, baita ere joko ororen
ezaugarri oinarrizko bati: errepikapena eta entrenamendua.
Programa
Astelehena,
irailak 8
Goizean
(4 ordu): Mckenzie Warken teoria-lantegia.
Biografia: Mckenzie
Warkek
(Newcastle, Australia, 1961) New Yorkeko Eugene Lang College
ikastetxean Komunikabideak eta Kultura irakasten du, eta hiri bereko
New School for Social Research ikastetxean, Soziologia. Hainbat
saiakera lan idatzi ditu, eta bereziki egin da ezagun bere azken
argitalpenei esker: A Hacker Manifesto (2004) eta Gamer Theory
(2007), biak Harvard University Press argitaletxean
emanak.
www.ludiccrew.org/wark
Asteartea,
irailak 9
Goizean
(4 ordu): Yan Duyvendaken lantegia
Arratsaldean (2 ordu): Yan
Duyvendaken lantegia
20.00etan: Yan Duyvendaken
performancea
Biografia: Yan
Duyvendak (Herbehereak,
1965) Genevako Ècole Supérieure des Beaux-Arts Arte Ederretako goi
mailako ikastetxean irakasle da. Bakarkako erakusketak egin izan ditu
St-Galleneko Kunstmuseum eta Genevako Attitudes museoetan, eta horrez
gain, performanceak eratu izan ditu, besteak beste, honako lekuetan:
De Appel (Amsterdam), Centre Georges Pompidou (Paris), Reina Sofia
museoa (Madril) eta Musée d´Art Contemporain
(Lyon).
www.duyvendak.com
Asteazkena,
irailak 10
Goizean
(4 ordu): Iñaki Gracenearen lantegia
Arratsaldean (2 ordu): Iñaki
Gracenearen lantegia
Biografia:
Iñaki Gracenea (Hondarribia,
1972). Artista. Bakarkako erakusketak egin izan ditu honako
arte-galerietan: Distrito Cua4tro (Madril), DV (Donostia) edota
Garaje Regium (Madril). Rambling Space, instalazioaren egilea da, hau
da, bideo-joko bat, eta espazio abstraktu bat arakatzen da
bertan.
www.distrito4.com
Osteguna,
irailak 11
Goizean
(4 ordu): Molleindustriaren lantegia
Arratsaldean (2 ordu):
Molleinsdustriaren lantegia
Biografia: Molleindustria
artista, diseinatzaile eta programatzaile italiarrez osatutako taldea
da, eta beraien lanak helburutzat du bideo-jokoen inplikazio politiko
nahiz sozialen gaineko eztabaida piztea. Prozesu horretan
hedabideetako ekintzaileekin, sareko artistekin, zaletuekin,
kritikariekin, eta aurka egiten dutenekin elkarlanean aritzen dira.
Orain arte beren produkzio osoa Flash euskarrian eratu izan dute, eta
Interneten eskuragarri jarri, ohiko banaketa bideak saihesteko
asmoz.
www.molleindustria.it
Ostirala,
irailak 12
Goizean
(4 ordu): Tobias Bernstrupen lantegia
Biografia: Tobias
Bernstrup
(Gotheburg, Suedia, 1970) artista eta performerra da. Bakarkako
erakusketak egin izan ditu, honako lekuetan: Andrehn-Schiptjenko
(Stockholm), Genevako Centre d’Art Contemporain arte garaikidearen
zentroan, Salamancako Artium Da2, Tokyoko Palais-en, edota
Stockholmeko Moderna Museet museoan.
www.bernstrup.com
Juan
Antonio Álvarez Reyes (Badajoz,
1966). Arte kritikaria eta erakusketen koordinatzailea da. “ABC”
egunkariaren astekari kulturalean eta “Artecontexto” aldizkarian
parte hartu ohi du. 2008an honako erakusketen koordinatzaile izan da:
Geopolíticas de la animación (Vigoko Arte Garaikidearen Museoa),
Try Again (Madrileko La Casa Encendida zentroa, eta Donostiako Koldo
Mitxelena Kulturunea), Psicogeografías (Madrileko Autonomia
Erkidegoa), eta mil veras, mil prinzessinen, mil centralias
(Mostoles-eko Centro de Arte Dos de Mayo zentroa).
