informazio gehiago

BIDEO-SORKUNTZA & MODA


MODA IKUS-ENTZUNEZKOA (FASHION FILM). Praktika honek azken hamarkadan izandako ezarketak garapenean dagoen ikus-entzunezko genero hau sustatu du. Moda eta ikus- entzunezko adierazpenen desberdinen (publizitate spota, bideo-artea, dokumentala, laburmetraia, klip birala) lengoaien konbinaketak promozio tresna eta sorkuntza-esperimentazio esparru berri hau ahalbidetzen dute. Dualtasun hau, diziplina-anitza duen eta Internetekin elkartzen den izaerarekin bat egiten du, guztiz komertzialak zein esperimentalak diren erabilerak erakarriz. Eskaintzen dituen aukerak bideo-sortzaile eta errealizadoreek moda enpresa handiekin eta diseinugile emergenteekin elkarlanean aritzea ekarri dute, azken hauek bere lana ezagutarazteko bitarteko eskuragarri eta eraginkorra dela ikusi duten einean. Era berean, Prada, Chanel, Dior, Alexander McQueen, Martin Margiela…, bezalako firmek, moda ikus- entzunezkoak edukiak hedatzeko kanal digitalekin guztiz bat egiten duela jakinda, moda bildumak lagundu edoeta desfileak ordezkatu dezakeen euskarri bezala erabiltzen dute. 

 



                       

KATHRYN FERGUSON. Belfast. Errealizadorea, komisarioa eta irakaslea. Moda komunikazioko lizentziatua da Londreseko Central Saint Martins zentroan eta komunikazio, arte eta diseinuko masterra Londreseko Royal College of Art zentroan, bertan zinema esperimentalean espezializatua. Ikus-entzunezko lanak egin ditu Chloé, Richard Nicoll, Katie Eary edo Charly le Mindu bezalako moda munduko profesionalentzat eta markentzat, baita musika munduko Lady Gaga eta Domino Records bezalakoentzat. Bere lanak Erresuma Batuko SHOWstudio, Dazel Digital, BBC eta Vogue bezalako hedabideetan zabaldu dira eta Berlinale, Londreseko Victoria and Albert museoa eta British Film Institute, eta Pariseko Pompidou eta ASVOFF zentroetan eta jaialditan proiektatu dira. 2007az geroztik, British Councilentzat eta British Fashion Councilentzat lan egiten du erregularki modari buruzko ikus-entzunezkoarekin zerikusia duten proiekzio, hitzaldi eta tailer programak antolatzen eta komisario lanak egiten, bai Erresuma Batuan bertan (ICA – Arte Garaikideko Institutua- eta British Film Institute) bai nazioarte mailan (Bosnia, Filipinak, Nigeria, Portugal…). Londreseko moda astearekin elkarlanean British Fashion Councilak ekoiztutako Fash/On Film jaialdiko komisario taldeko kide da. Duela gutxi komisario lanak egin ditu “Dressing the screen”, 2012ko urrian Beijingen (Txina) hasitako mundu mailako erakusketa ibiltarian.

Irakasle da Londreseko London College of Fashion eta Central Saint Martins College of Art & Design zentroetan.
www.kathrynferguson.co.uk


TAILERREKO PARTE HARTZAILEAK


  

ZUHAR IRURETAGOIENA.Zarautz (Gipuzkoa), 1981. Arte Ederretako eta Arte eta Teknologiako lizentziatua Euskal Herriko Unibertsitatean eta Arte Digitaletako masterra IUA/UPF Pompeu Fabra Unibertsitatean (Bartzelona). Hainbat sari lortu ditu:
2008 Belaunaldia (Caja Madrid), Ertibil  lehiaketako 1. saria (2009), Gipuzkoako Artista Berrien Lehiaketako 1. Saria (2010), Bilboko Guggenheim Museoko Muro Guggenheim Saria (2011).
www.zuhar.es

 

 


        

JOSÉ MORRAJA. Castellon, 1979. José Morraja, Arte Ederretako lizentziatua Valentziako Unibertsitatean; bere prestakuntza osatu du Frantzian eta Alemanian. Argazkigintzaren, bideoaren eta instalazioen esparruko proiektu artistikoak bateragarri egiten ditu moda eta publizitateko lan komertzialekin. Kolaborazioak egin ditu Neo2, H Magazine eta Vanity Fair argitalpenekin eta bere bezeroen artean daude Diesel, Armani, Chanel, Biotherm, Puig, etab.
http://josemorraja.com.mialias.net

 

 


  

SERGIO OJEDA.  Madril, 1976. Ikus-artista, Arte Ederretako lizentziatua Madrilgo Unibertsitate Complutensean. Bakarkako erakusketa ugari egin ditu. Bere lanak, besteak beste, Madrilgo Komunitateko Arte Garaikideko Bilduman eta Cajamadril Gizarte Ekintzan ikus daitezke. Elkarlanean aritu da modako hainbat sortzailerekin modako ikus-entzunezkoak egiteko (Maya Hansenekin Madrilgo Mercedes Fashion Weeken, Assaad Awad diseinatzailearekin eta Rossy de Palma aktorearekin “Metamorphosis” izeneko lehen bildumaren sustapen bideoa egiteko).  Gaur egun Madrilgo ASM28 Galeriak ordezkatzen du.
www.sergiojeda.es


DISEINATZAILE GONBIDATUA


     

IXONE ELZO.

Hondarribia (Gipuzkoa), 1982. Arte Ederretako lizentziatua Euskal Herriko Unibertsitatean eta moda diseinuko lizentziatua Bartzelonako Instituto Europeo di Designen. Artearen eta modaren esparruan gauzatzen du bere lana, eta sortzen dituen jantziei erreakzioa eta arbuioa bezalako kontzeptu artistikoak ezartzen dizkie, orain arte egin dituen bilduma nagusietan jaso dituenak: “Carne fresca”, “Restos del futuro”, “Trucha con lentejas” eta “Cabeza de jabalí”. Bilduma horiekin desfilatu du nazioarteko ibiltokietan, esaterako Bogotako moda astean, baita estatu mailako ibiltokietan ere, ModaFAD (Bartzelona), Creamoda (Bilbo), South 36-32n (Cadiz). Nabarmentzekoak dira 2011n Ego Cibeles Fashion Weeken eta 2012an Mercedes Benz Madrid Fashion Weeken egindako desfileak.

www.ixoneelzo.com

 

Dokumentu Akzioak
Copyright 2009, by the Contributing Authors. Cite/attribute Resource. maitane. (2012, octubre 23). informazio gehiago. Retrieved marzo 28, 2024, from Arteleku.net Web site: http://old.arteleku.net/arteleku/programa/bideo-sorkuntza-moda/ikusi-gehiago. This work is licensed under a Creative Commons License. Creative Commons License