Antolatzailea/Organización: Quincena Musical - Musika Hamabostaldia
Koordinatzailea/Coordinación: Arteleku AUDIOLAB
EGITARAUA
PASIOA (musique promenade, paseo musical, musika ibilaldia)
SOINU INSTALAZIOA
Musikariak: Tzesne, Löty negarti
Gaur egun musique concrete bezala ezagutzen dugun konposizio sistemen jatorriei begira hasten bagara izen asko
agertzen diren arren, nagusiki Pierre Schaeffer (definizioaren asmatzailea) eta Luc Ferrari aurkituko ditugu lehenbizi.
Lehenak musika, noten mugetatik atera bazuen, bigarrenak musikari, soinuari askatasun eta nortasun guztia eskaini
zion. Kausalitate guztitik urrundu eta soinuaren autonomia erreibindikatu zuen Ferrarik.
Instalazio honetan gonbidatutako soinu artistek landa grabaketa desberdinak aireratuko dituzte eraikuntzaren
inguruan, espazioarekin eta soinuen artean nahiz entzuleen artean sortuko den erlazio jokoan oinarrituta.
UHINAK 5 (Tautologos obran oinarritutako talde konposizioa)
KONTZERTUA
Zuz: Iban Urizar
Iban Urizar musikari eta konposatzaile elgoibartarrak, Ferrari-ren lan TAUTOLOGOS obraren berrikuskapen
desberdin bat aurkeztuko du. Bost musikariren laguntzarekin eta Ferrarik bere obran hain modu ederrean
proposatutako Tautologiaren kontzeptua jorratuz, frantziarraren lan garrantzitsu eta interesgarrienetako bat izanen du
abiapuntu.
BIOGRAFIAK
Luc Ferrari (1929-2005)
“Ideiak, sentimenduak, behin-behineko intuizioak esanahi desberdinen bitartez adierazten saiatzean dago afera,
eguneroko bizitza bere errealitate guztietan ikusteko...”
Luc Ferrari konposatzaile elektroniko aitzindariak eta ahots musiken eta pieza instrumentalen konposatzaileak
“Musika anekdotikoa” deitu zuen musika mota garatu zuen. Errealismo fotografiko musikal baten gisako zeozer zen,
non Ferrarik soinuak entzuten zituen moduan biltzen zituen, gero egitura narratiboetan erabiltzeko.
1958. urtean Groupe de Recherches Musicales egitasmoaren sortzaileetakoa izan zen, zuzendari lanak ere bete
zituelarik.
1982. urtean La Muse en Circuit estudioa ireki zuen Parisen. Bere musika mundu osoan zehar erakutsi izan da eta
hainbat sari garrantzitsu jaso zituen.
2005eko abuztuan zendu zen Italiako Arezzo hirian, kontzertu bat eman aurretik.
Tzesne
" ... eta modu batera edo bestera sugestionatu nauten sentipenak islatuz, soinu eta zaraten moldaketen jolas
erakargarri honetaraino iritsi naiz..."
Musika elektroniko trinko eta iluna sortzen du Tzesne gipuzkoarrak, soinuaren ideia poetikoari eta bere irudi grafikoari
etengabe erreferentziak eginez. 90. hamarkadan GUTURAL talde industrialeko kide izandako errenteriako
konposatzaile honek hamarkada bat darama soinu paisai pertsonalak eta bereziak sortzen. Bere lanak, berak
zuzentzen duen series negras labelean nahiz TIBProd edo Antifrost bezalako disketxe atzerritarretan argitaratuak izan
dira.
www.seriesnegras.org
Löty negarti
Nahiz eta jatorria pinturan eduki, sortzaile bizkaitar hau sorkuntza artistikoaren alor piktorikoan eta marrazkigintzan
murgildu zen, geroago margotzeari utzi gabe, objetu eskulturikoak lantzeko. Modu berean, azken urteotan eta bereziki
orain soinu sorkuntzan burubelarri sartu da. "Musikari" definizioarekin gustora ez eta bere sorkuntza lan estetiko zabal
baten barnean ulertzen du. Soinua materia prima plastikoa bihurtzen da, hitzekin, argiekin, mugimenduarekin edo
bertzelako lan artistikorako lehengaiekin gertatzen den bezala. "...Soinuak, besteengandik aski ezberdingarria izateko
gaitasuna du eta nortasun oso indartsu bat. Horrek bultzatu gaitu musika modu jakin batean menperatzera eta
tradizionalki artearen pareko alorra bezala ulertzera. Nik ezin dut musika artearean alorretik kanpo ulertu..."
www.gabone.info
Iban Urizar
Bertzeak bertze CAFE TEATRO, MENGELE QUARTET edo SINUOSE taldeetako kide eta Elgoibarko musikagintzako
izen aipagarrienetako bat da Iban Urizar. Konposatzailea, konpoketa egilea, kazetaria eta musika irakaslea,
musikologiako ikasketak burutu zituen Bartzelonako unibertsitate autonomoan. Geroztik, aipatu proiektuetan,
inprobisazio kolektiboetan nahiz bakarlari gisara lanak aurkeztu ditu eta kontzertu mordo bat eskaini, hemen baita
atzerrian ere, Errumanian eta Londonen besteak beste.
