Periferiak 07. Edizio berezia.
2007/05/01 - 2007/10/31 | arteleku

Periferiak 07. Edizio berezia.

Parte-hartzaileak

Koordinazioa: Oier Etxeberria & Miren Jaio
www.periferike.org - www.periferiak07.org


Edizioa, Periferiak07 programaren ardatza, zentzu zabal batean ulertu behar da: jakintza transmititzeko era guztiek (zatikatzeak, egokitzeak, zitak, irakurketak, plagioak…) osatzen dute edizio ekintza bat, zentzumenaren etete produktiboak diren heinean. Nozio horri ihes egingo dion fenomeno kultural bat aurkitzea zaila da, produkzio eta erreprodukzio prozesuetan bitartekotasunen katea hain luzca izanik: liburuak edo bideoak editatzen dira, norberaren memoria ere editatu egiten da eta aurpegiek eta gorputzek ere horixe egiten dute. Periferiak07 programak gaur egungo zenbait praktika aztertzea proposatzen du ikuspegi “editorial” bat oinarri hartuta: ekoizpen eta banaketa prozesuak, informazioa barreiatzea eta horren mitoak, edizioa azterketarako bide gisara, edizio informala produkzio eta banaketa esfera propioa sortzen duen praktika bezala, itzulpen kulturala jakintzarako tresna posible bakar modura, kultur metatzearen fenomenoa eta artxiboa haren formalizatze saio gisara, jarduera diskurtsibo eta performatibo bat den heinean, espazio publikoa edizioaren egoitza bezala eta, azkenik, zer, zergatik eta zertarako den praktika editoriala.

1) EDIZIO TAILERRA

Tailer hau lan eta eztabaida gune gisara antolatuko da, praktika artistikoen arloan edizioaren ideia ardatz harturik eta kasu praktikoen azterketaren bidez. Bi zati izango ditu:

LEHEN ZATIA
Maiatzaren 14tik 18ra


Maiatzak 14, San Frantzisko auzoko Mariaren Bihotza plazako auzo-etxean, Bilbo
-11:00etan: Tailerra eta edizioa . Tailerraren aurkezpena
-19:00etan: Artxiboa, zulo beltz amaigabea. Pedro G. Romero eta Santi Eraso-ren hitzaldiak eta mahai-ingurua.

Maitzak 15, San Frantzisko auzoko Mariaren Bihotza plazako auzo-etxean, Bilbo
-Goiz eta arratsaldez: Artxiboa, zulo beltz amaigabea. Pedro G. Romeroren tailer-saioa
-19:00etan: Gentrifikazioa: berregituraketa prozesuak eta hiri barruaren lur jotzea. El Gran Pollo de la Alameda eta CEIC/IKI taldearen hitzaldiak eta mahai-ingurua

Maiatzak 16,San Frantzisko auzoko Mariaren Bihotza plazako auzo-etxean, Bilbo
-Goiz eta arratsaldez: Gentrifikazioa: berregituraketa prozesuak eta hiri barruaren lur jotzea. El Gran Pollo de la Alameda eta CEIC/IKI taldearekin tailer-saioa
-19:00etan: Estiloa paper gainean. Ordena berria. Peio Aguirre eta Albert Folch-en hitzaldiak eta mahai-ingurua. Bilboko Anti Liburudendan

Maiatzak 17, San Frantzisko auzoko Mariaren Bihotza plazako auzo-etxean, Bilbo
-Goiz eta arratsaldez: Estiloa paper gainean. Ordena berria . Peio Aguirre eta Albert Folch-en tailer-saioa.
-19:00etan: Publikazioak eta beste erresistentzia moduak . Hitzaldiak eta mahai-ingurua. erreakzioa-reacción eta Malmoe.

Maiatzak 18, San Frantzisko auzoko Mariaren Bihotza plazako auzo-etxean, Bilbo
-Goiz eta arratsaldez: Publikazioak eta beste erresistentzia moduak. erreakzioa-reacción eta Malmoe-ren tailer-saioak

BIGARREN ZATIA
Ekainaren 21etik uztailaren 29ra Rekalde aretoko Kabinete Abstraktuan

Bazoaz, idatzi eidazu bueltan tailer eta erakusketa

Lan saio ireki eta hitzaldien bidez, lehen zatian aztertutako gaien inguruan sakontzen jarraituko dugu, baita erakusketaren inguruan sorturiko beste kontu batzuetan ere. Erakusketa bera eta bertan parte hartuko duten artisten praktikak erabiliko dira azterketa kasu gisara. Erakusketa arin honek, Discoteca Flaming Star, Jon Mantzisidor, Karl Larsson eta Frans Josef Petersson, Peter Piller eta Isidoro Valcárcel Medina egileen euskarri ezberdinetako (argitalpenak, marrazkiak, posterrak, esku hartzeak, alfonbrak, bideoak) lanak bilduko ditu.

Ekainaren 22a, 19:00etan

Discoteca Flaming Star-en aurkezpena.

Ekainaren 24a, 20:30etan
Discoteca Flaming Star eta Vicki Bennett/People Like Us-en kontzertu eta emanaldiak amatauTV-n

Uztailaren 5a, 19:00etan
Isidoro Valcárcel Medina-ren aurkezpena

Uztailaren 10a, 19:00etan
Karl Larsson eta Frans Josef Petersson-en aurkezpena

Uztailaren 12a, 19:00etan
Jon Etxeberria Plazaolaren hitzaldia, Jorge Oteizaren ekoizpen editorialari buruz

IZEN-EMATEA

Tailerra hamabost eta hogei lagunen arteko taldeak osatuko du. Edizioan interesatuta dauden pertsona guztiei zuzendua dago.
Interesatuta egonez gero, bidal itzazu honako helbidera maiatzaren 3a baino lehen curriculum vitae eta parte-hartzeko arrazoia.


iCal
Dokumentu Akzioak