HIRUGARREN BELARRIA De la tra-tran-transgresión Hausturarena
Audizioak | Hitzaldiak | Proiekzioak
2012/09/10 - 2012/09/14

HIRUGARREN BELARRIA De la tra-tran-transgresión Hausturarena

Parte-hartzaileak

EGITARUA

Irailaren 10a astelehena
Arteleku, Donostia / www.arteleku.ne
t
MEDIKU MUSIKARI
16:00 - 19:00
Pascal Battus: Soinuzko masaje sesioa (plaza mugatuak)
Erreserbak doan : info@arteleku.net
19:00 Hitzaldia
Jose Ramón Mozota Ortiz: Belarri musikalaren eta zuzentzailaren artean 


Irailaren 11a asteartea
Kaxilda liburudenda, Donostia / www.kaxilda.net

TRAIZIOA, TRADIZIOA, TRADUKZIOA
19:00 Hitzaldia: Jose Mari Esparza: Jota heretikoak
20:00 Hitzaldia: Jose Luis Ortiz Nuevo: EGOERAK Tirititran tran tran tran tran… Transgresioak Flamenko erara
Ondotik: Janedan, solas eta entzuteko tartea 


Irailaren 12a asteazkena
Arteleku, Donostia / www.arteleku.net

HIRIA ORROKA / CIUDAD SINFÓNICA
19:00 Hitzaldia: Jose Luis Espejo:  Ziegak eta Transduktoreak
20:00 Hitzaldia: Jaume Ayats: Taldearen errepresentazioa manifestazioen esloganetan eta kirolmestadioetako kantuetan.

Irailaren 13a osteguna
Guardetxea, Donostia / www.guardetxeabandabat.org

INOIZ IKUSTEKOA / LO NUNCA VISTO
20:00 Soinuzko dokumentariaren entzunaldia
Ni Nüzu (Myriam Ayçaguer, 2011)


Irailaren 14a ostirala
Kutxa Arrasate aretoa, Donostia / http://www.kutxasocial.net/obra-social-kutxa/obs.nsf/Docs-Kutxa/Sala-Arrasate.html

IRISTEN EZ DEN ISILTASUNA
20:00 Film proiekzioa (pre-estrenoa)
Oírse (David Arratibel, 2012)

Astelehena: MEDIKU MUSIKARI
Asteartea: TRAIZIOA, TRADIZIOA, TRADUKZIOA
Asteazkena: HIRIA ORROKA
Osteguna: INOIZ IKUSTEKOA
Ostirala: IRISTEN EZ DEN ISILTASUNA 

 

BIOGRAFIAK eta SINOPSIAK

PASCAL BATTUS http://soundmassage.free.fr/
Pascal Battus nerabezaroan hasi zen musika egiten rock gitarrajole gisara, gero perkusio ikasketak burutu eta azkenik musika esperimentalen eta inprobisazioaren munduan burubelarri sartzeko. Gaur egun hainbat soinuzko aukera eta esperientzia lantzen ditu, berdin perkusio akustikoa nahiz anplifikatua erabiliz, gitarrak espazializatuz, azalera birakariak erabiliz edo bere kabuz sortutako musika tresna bereziak asmatuz. Europako, Ekialde Hurbileko, Japoniako edo Kanadako hainbat lekutan erakutsi izan du bere lana, besteak beste Thierry Madiot, Jean-Luc Guionnet, Thomas Lehn, Martin Tètreault edo Michel Doneda bezalako musikariekin, baita dantzariekin edo ikusizko artistekin elkarlanean ere. Bere hainbat egitasmoren artean aipagarriak dira Soinuzko Masajeak: Eguneroko objektuak erabiliz entzuleen belarrietatik oso hurbil sortzen diren intentsitate baxuko soinu akustikoekin egindako masaje sesioak.
HIRUGARREN BELARRIAren egitarauaren barnean Battusek Artelekura hurbildu eta hala nahi dutenguztiei bakarkako masaje sesio bana eskainiko die (plaza mugatuak), doan.
_____________________________________________________
JOSE RAMON MOZOTA ORTIZ http://www.mozota.com/
Hitzaldiaren izenburua:
Belarri musikalaren eta zuzentzailaren artean
Sinopsia:

Historian zehar, entzumena hainbat analisi zientifikoren objektu izan da, eta halaere ezer gutxi dakigu gure aditzeak martxan jartzen dituzten mekanismoei buruz. Mozota doktoreak, Otorrinolaringologiaren alorrean berrogei urteko jarduera profesionalak ematen duen esperientzian oinarrituta kontakizuninteresgarri bat proposatzen du. Bere teoriak, gure entzumen aparatuaren analisi fisiologikotik abiatuz, pertsona bakoitzaren testuinguruen baldintzetan oinarritzen dira, gure ahozko nahiz entzunezko komunikazioa hobe ulertzeko helburuarekin.
Biografia:
Otorrinolaringologian espezialista. Valladolideko Medikuntza fakultatean irakasle, Valladolideko Unibertsitateko Medikuntza eta Kirurgia Doktore, baita North West London Universityko Otorrinolaringologia Doktore ere. Hainbat artikulu zientifiko argitaratu ditu eta bi liburu: “Chequeo a la dislexia” (Instituto de Ciencias de la Educación Universidad de Zaragoza, 1979) eta berriki “Reflejo Humano Otoneurofonatorio del Habla” (Palibrio, 2012). Gaur egun, jarduera profesionalaz gain, Nafarroako Otorrinolaringologia Elkartearen presidente lanak burutzen ditu.
_____________________________________________________
JOSE MARI ESPARZA http://www.txalaparta.com
Hitzaldiaren izenburua:Jota heretikoak
Sinopsia:

Nafar kulturaren erakusle izateko Jotak mundu ofizialaren tronuan ipini badira, bapatekotasun eta hausturarako gaitasun guztia ukatu eta adierazbide herrikoi hau politikoki zuzena den horretara murriztearen kontura izan da. Eta ondorioz garapenerako edozein gaitasun ukatzearen kontura, zaharkituriko fosilen eskaparate batean bihurtzeraino. Jota abeslariak joteroa ordezkatu du, errepikapenak inprobisazioa, eztarriak irudimena. Aurkezpen honetan jota benetako herri espresio bezala hartzen deneko ejenpluak erakutziko dira. Gure herri eta gizartean gertatzen den horrekiko baliabide bizi, aske eta dinamikoa.
Biografia:
1951ko azaroaren 23an Tafallan jaiotako idazle eta editore nafarra. Altaffaylla Kultur Taldearen eskutik Nafarroako gai historiko eta kostunbristen inguruan idatzitakoak argitaratzen hasi zen, esperientzia haren haritik, 1989an Txalaparta argitaletxearen zuzendaritza hartzeko. Hainbat artikulu, eskuorri eta liburu argitaratu ditu, horien artean, Jotas heréticas de Navarra (Tafalla, Altaffaylla, 1994) gutxi barru berriro editatuko den lan hau jotarekin mantentzen duen erlazio estuak bultzaturik idatzi zuen eta zenbait aspektutan -egilearen iritziz- hain manipulatua izan den kultur adierazpen herrikoi honen erakusle bikaina da.
_____________________________________________________
JOSE LUIS ORTIZ NUEVO
Hitzaldiaren izenburua: EGOERAK Tirititran tran tran tran tran… Transgresioak Flamenko erara
Sinopsia:

Festaren berriak, goizeko bostetan edo seietan antolatzen diren kaosaren irudiak, gehiegikeri kosmikoen islak, ezohiko jokaera eta trebetasunak. Prozedurak. Haizeak gure oroitzapenetara ekarri ahala, gauaren magalean azaldutako aferak: pertsonak, gertakariak, koplak, ametsak, artea, jokua, itzalak eta argiak. Izakiek graziarekin min gutxiago pairatzen dutela jakina baita.
Biografia:
José Luis Ortiz Nuevo. Kantatu, dantzatu edo musika jo ezik, denetik egin du alor honetan Archidonako (Malaga) hirurogeitakopiko urteko andaluziar honek: Ikuskizunak eta jaialdiak zuzendu, antzezlan komikoak burutu, irrati nahiz telebistako saioak egin, egunkarietan idatzi, hitzaldi eta jardunaldiak eman, eta hogei bat liburu argitaratu ditu. Hauetan azkenak, Tremendo Asombro izenekoak aurten ikusi du argia Habanako hemerotekak arakatuz egindako ikerketa mamitsuaren ondorio gisara.
_____________________________________________________
JAUME AYATS
Hitzaldiaren izenburua: Taldearen errepresentazioa manifestazioen esloganetan eta kirol estadioetako kantuetan

Sinopsia:
Manifestazioetako esloganek eta kirol-estadioetako kantuek, gutxietsitako eta baztertutako soinu-hitzezkoespresio modura, musikari linguistika pragmatikoarekin oinarrizko irizpide batzuk ezartzeko ikerketa objektu bezala balio dute. Ariketa honek, ekintza kolektibo hauetako protagonistekin erlazionatu daiteken soinu modulazioaren elementuei arreta jarriz, orokorrean emaitza tautologikoak baino ez dituen “forma” musikalen analisi tradizionala gainditu nahi du. Azken emaitza, esloganen eta kantuen bidezko soinuzko espresioaren modulazioak, manifestari edo jarraitzaileek beraien helburua, alegia taldearen errepresentazioa, burutzeko eman nahi duten taldeirudiarekin duen erlazio estua erakustea da.
Biografia:
Bartzelonako Unibertsitate Autonomoaren bidez Artearen historian (musikologiaren atalean) doktorea, Bartzelonako Unibertsitarean Filologia katalanuiarran lizentziatua, eta hiri bereko Udal Musika kontserbatorio nagusian bibolin irakaslea da. Orkestrako instrumentista modura lan egin zuen, Grup de Recerca Folklòrica d'Osona taldearekin ahozko musikari buruzko ikerketa lanak burutzen zituen bitartean. Beranduago Parisko École des Hautes Études en Sciences Sociales-en etnomusikologia ikasketak egin zituen eta Europako mundu urbanoko jendetzen soinuzko espresioari buruz osatu zuen bere tesi doktorala. Etnomusikologo gisara, Pumé de los Llanos Venezolanos talde etnikoari bnuruzko nazioarteko ikerketan parte hartu zuen. Frantzia, katalunia nahiz Espainiako etnomusikologiari buruzko hainbat aldizkaritan idatzi izan du, baita alor honetako zenbait liburutan ere, ko-egile modura. Escola Superior de Música de Catalunyako Musikologia departamentuko zuzendari lanak bete ditu (2000-2005) eta 2005etik UABko etnomusikologia irakaslea da. Horrez gain nazioarteko hainbat ikerketa taldetan parte hartzen du eta musika tradizionalei buruzko dozenaka ikusentzunezko lan eta argitalpen zuzendu ditu. Berriki Kataluniako Herri Kulturaren sari nazionala jaso du.

_____________________________________________________
JOSE LUIS ESPEJO
http://theratzingertimes.wordpress.com/
Hitzaldiaren izenburua: Ziegak eta transduktoreak

Sinopsia:
Hitzaldi honek entzumen garaikidearen hainbat egitura politiko aztertuko ditu, entzuten duen gorputza eraiki eta mugatzen dutenak. Hortarako, hitzaldiak isiltasunaren historia labur bat marraztuko du, isiltasunak entzumena, gizakia eta bere jarduna kontrolatzeko dispositiboak sortzeko duen gaitasun sinbolikoa aztertuz.
Biografia:
Artearen Historian eta Ikusizko Kulturan burutu ditu ikasketak, eta gaur egun bere kabuz ikertzen ditu ikusentzunezko artea eta entzunezko kultura. Azken aldian, desiagarriak ez diren soinuen esanahiari eta historiari buruz ikertzen ari da, eta jakinmin honek aldiberean zarataren eta isiltasunaren konnotazio ekonomiko eta espiritualetara bideratu du bere ikerketa. Bere jarduera nagusiki sarean oinarritzen da: The Ratzinger Times blog pertsonalean, ./mediateletipos))) kudeatzen duen lan-taldeko koeditore moduan eta Reina Sofia Museoaren RRS irratirako edukiak editatu eta sortzen. Horrez gain, Oscar Martinekin elkarlanean, Soinu-Arteari eta Entzunezko kulturari eskainitako Ursonate Fanzinea argitaratzen du.
_____________________________________________________
MYRIAM AIZAGER artegia.blogspot.com
NI NÜZU

Iraupena : 46min
Egilea, soinu-hartzailea eta muntatzailea: Myriam Ayçaguer
Ekoizlea: ARTegia
Nahasketa: Audrey Ginestet
Euskal Herriko herri gehienetan, etxe bakoitzak badu izen bat, betidanik berdina, etxeari eta etxekoei nortasuna ematen diena. Ni nüzü soinuzko dokumentalean, egilea Santagraziko etxalde batetara itzultzen da, bere amonaren etxera, segidarik gabe egon den baserri bat eta non laborantxako lanak geldituak diren iada. Bere mikrofonoekin eta familiaren laguntzarekin, etxe zaharrean eguneroko soinuak grabatzen ditu eta haur denborako soinuen berpizten entseatzen da. Lan honek nahasten ditu soinu horiek eta ahots batzuk – amonarena, ondoko herrietako jakile batzuena – etxe izenei buruz mintzatzeko: zoin da herrietan izen horietaz eginik den erabilera, zoin den bere ustez izen horien esanahia…
Ni nüzü osoa xiberutarrez grabatua izan da; gaztelanierazko azpitituluak dituen bertsioan aurkeztuko da.

_____________________________________________________
DAVID ARRATIBEL www.oirsedocumental.com
OIRSE

Iraupena : 55 min
Zuzendaria: David Arratibel
Ekoizlea: FILMOTIVE
Errealizazioa: Zazpi terdi
Egun hartan, soinu fantasma bat hasi zen soinua egiten neure buruan: soilik nik entzuten nituen ziztu eta txitxarrak, edo beharbada beste norbaitek ere entzungo zituen. Pertsona gehienek bezala, isiltasunari ihes egin nion, nere barrenak ez entzutearren. Isiltasuna, soilik hasiera bait da. Film honetan David Arratibelek akufenoekin edo tinnitusarekin bizitzeak esan nahi duena erakusten digu. Akufenoa inongo kanpoko jatorririk ez duten arren belarrietan entzuten diren soinuek eta kolpeek sortutako fenomeno pertzeptiboa da. Pelikula honek proposatzen duen bilaketak ez du ikuslea sentsibilizatzea, edo arazo honi azalpen zientifikoa bilatzea helburu, beharbada erantzun bakarra ez duten galderak egitea baizik.

 

Hirugarren Belarriak datorren hilabeteetan aurrera jarraituko du ekitaldi ezberdinekin, edizio honetako gaiak ikuspegi ezberdinetatik egituratu eta aztertuz. Hauen artean Diedrich Diederichsen-ek Artelekun hitzaldi eta tailerra emango du. Idazle eta kritikari alemaniarrak, XX. mendeko artea eta musikaren ikuspegi ezkutuak aurkeztuko dizkigu, psikodelia, ready-made-a, pop musika eta marxismoaren teoria ardatz hartuz. Beste aldetik soinuak irakurtzeko beharraz arituko zaigu Manu Agirre. Bere bizipen eta esperientzia pertsonaletik abiatuta, aktibista honek, ikusteko duen ezintasunak behartuta entzumenarekin duen harreman estuan oinarrituko du bere jarduna.

 

Antolatzailea / Organiza: AUDIOLAB ELKARTEA (wwww.audio-lab.org)
Zuzendaritza / Dirección: Oier Etxeberria, Xabier Erkizia

 

iCal
Dokumentu Akzioak