AURKEZPENASoinuaren eta musikaren inguruan esperimentazioa bultzatzeko helburuarekin sortu zen Arteleku AUDIOLAB 2003ko urtarrilan. Arteleku arte garaikideko zentruan eta Xabier Erkiziaren zuzendaritzapean, AUDIOLABek workshopak, mintegiak, kontzertuak, argitalpenak eta bertzelako ekitaldi nahiz egitasmoak antolatzen ditu, beti ere soinuaren eta musikaren inguruko praktiketan oinarrituz. Soinu produkzioan, sorreran, lanketan eta honen eraginean aztertu eta sakontzea abiapuntutzat hartuz, AUDIOLABek bertako artistekin lan egin, eta nazioarteko artisten lana erakutsi nahi du. Modu berean artearen munduan eta orokorrean bizi ditugun gaur egungo gizarteetan soinuak jokatzen duen paper garrantzitsuaren inguruan ikertu nahi du. Hainbat jaialdi, elkarte eta egitasmorekin elkarlanean egin izan du eta egiten du lan AUDIOLABek: ERTZ, PLAZA FESTIVAL, 9CDR, ELEKTRONIKALDIA, ANIMAC, DONOSTIAKO MUSIKA HAMABOSTALDIA, ELECTROGRAPH, [UN]COMMON SOUNDS... Horrez gain, Artelekun kokatzen den MEDIATEKAn aholkularitza lanak betetzen ditu, musikaren eta soinuaren inguruko gaiak jorratzen dituzten liburu, diska, dvd eta bertzelako dokumentu bilduma interesgarriak bilduz.
Copyright 2009,
by the Contributing Authors.
Cite/attribute Resource.
admin. (2009, junio 19). AURKEZPENA. Retrieved mayo 13, 2024, from Arteleku.net Web site: http://old.arteleku.net/arteleku/komunitatea/audiolab/sarrera.
Esta obra se publica bajo una licencia
Creative Commons License.
|
|
