Adierazpen Erradikalak
Tailerra
2008/03/31 - 2008/04/11 | Arteleku

Adierazpen Erradikalak

Parte-hartzaileak

Tailerrak serigrafia baliabide gisa erabiltzen duten lan egiteko zenbait moduren inguruko esperimentazioa eta hausnarketa izango du abiapuntua: DIY (do it yourself) kultura, feminismoak eta lan kolektiboa. Nik neuk neure ibilbidean, gure ingurua ezagutzeko, landu ditudan gaiak dira. Hainbat zentzu-geruza elkarrekin egotea ahalbidetzen duten hurbilketen bidez gaur-gaurko ikusizko kultura irudikatzeko tokiak.

Serigrafia/Praktika artistikoa/DIY kultura/Feminismoak/Lan kolektiboa.
Azucena Vieitesek eskainia, serigrafia tailerrarekin elkarlanean.

Elkarlana: Jon Mikel Euba
Koordinazio teknikoa: Nerea López

Ordutegia: astelehenetik ostiralera. 10:00-14:00 / 16:00-20:00
Partehartzaileak: gehienez 10


Tailerrak serigrafia baliabide gisa erabiltzen duten lan egiteko zenbait moduren inguruko esperimentazioa eta hausnarketa izango du abiapuntua: DIY (do it yourself) kultura, feminismoak eta lan kolektiboa. Nik neuk neure ibilbidean, gure ingurua ezagutzeko, landu ditudan gaiak dira. Hainbat zentzu-geruza elkarrekin egotea ahalbidetzen duten hurbilketen bidez gaur-gaurko ikusizko kultura irudikatzeko tokiak.

Edozein praktika artistiko gauzatzeko, biziki garrantzitsua da lan egiteko tresnen aurrean kokatzeko eta diskurtsoa egituratzeko modua. Horregatik, hemen aurkezten dugun proposamenak oinarri izango du serigrafia teknika bezala erabiltzeak emandako esperientzia, arreta lan-prozesuan ipiniz eta testuinguru berrietara hedatuz. Tailerrean jorratuko ditugun gaiak eta ideiak ulertzeko interesgarriak diren zenbait lan aztertuko ditugu, Jon Mikel Eubak lagunduko digu horretan. Batzuetan konbentzio huts batera mugatuta geratzen den kolektibo hitzaren esanahia zabaldu egingo da. Osterantzean, serigrafiaren erabileran bertan inplizitu ageri den hainbat alderdi garatuko dira, hala nola: originala, kopia, obra bakarra, seriatua edo kopiagarria.

Praktika artistikoak materializazio edo gauzatze teknika jakin batekin du zerikusia, baita objektua ukatzeko edo zalantzan jartzeko parametroetatik lanean ari garenean ere: Zergatik, bada, teknika hau eta ez beste bat? Zer dakar berekin horrela eta ez beste era batean egiteak? Tailerraren helburua serigrafia baliatuz sormen prozesu bat hasi eta amaitzea baino, hasi eta proiektua gauzatzeko lanaldian sortzen diren aukera ezberdinez jabetzea izango da.

Inskripzioa

Tailerrerako izen-ematea 2008ko martxoaren 14a baino lehen egin beharko da eta horretarako izen-emate orria, curriculuma eta parte hartzeko arrazoiak azaltzen dituen gutun bat bidali beharko dira Artelekura. Interesatuei pertsonalki emango zaie onartu izanaren berri martxoaren 17an.

Ikastaroaren prezioa: 78,13€
Partehartzaileek lantegiaren lehen egunean aurkeztu beharko dute Kutxako 2101 0381 07 0001329473 kontu korrontean ordainketa egin izanaren agiria.


Ekoizpena: Arteleku-Diputación Foral de Gipuzkoa

 

iCal
Dokumentu Akzioak