Animac 2007
2007/03/06 - 2007/03/10 | arteleku

Animac 2007

Parte-hartzaileak

Animac, Kataluniako Animazio Zinemako Nazioarteko Erakusketa, animazioa adierazpen pertsonalaren tresna gisa erabiltzen duten artistentzako lehiaketa asmorik gabeko erakusketa bat da.

Kataluniako Animazio Zinemako Nazioarteko 11. Erakusketa

Koordinazioa: Isabel Herguera
Ekoizpena: Arteleku-Gipuzkoako Foru Aldundia
Ekoizpen exekutiboa: MDK
Elkarlana: Animac, Lleidako Udala, Generalitat, Decapacap, Kutxa.


Animac, Kataluniako Animazio Zinemako Nazioarteko Erakusketa, animazioa adierazpen pertsonalaren tresna gisa erabiltzen duten artistentzako lehiaketa asmorik gabeko erakusketa bat da. Narratiba tradizionalaren mugak gaindituz eta zalantzan jarriz, animazio zinemaren adierazpen gaitasuna sustatu eta aberastuko duten ameslarien, lan independente eta arriskatuen bila dabil.

Duela bost urtez geroztik Animac eta Artelekuren artean burutzen ari den lankidetza programaren barruan, martxoaren 6tik 10era bitartean erakusketaren filma eta jarduera esanguratsuen sorta bat eskainiko da. Animac-en izaera independentearekin eta Artelekuren diziplinarteko filosofiarekin bat eginez, aukeratuko den lan sortaren bidez ikusi ahal izango dugu animazioa sortzeko modu eta era ugari dagoela.

Aurtengo erakusketan Errusia aurkezten da Mikhail Aldashin errealizadore errusiarraren eskutik; ohiko bi sekzio daude: Brou Animac, urteko lanik onenetakoak biltzen dituena eta Haurrentzako emanaldia, animazioaren unibertsoa txikienei hurbiltzeko helburuarekin. Halaber, bereziki nabarmentzen da soinuak animazioaren barruan duen zeregin garrantzitsua, Metamkine taldeko musikari eta zinemagileen emanaldiaren eta hainbat soinu-sortzailek eskainiko dituzten tailerraren eta kontzertuaren bitartez.


Hurrengo jarduera:
Vuk Jevremovic-ek eskainitako animazio tailerra
2007ko ekainaren 18tik uztailaren 18ra bitartean

PROGRAMA

1) Jaialdia


Asteartea, martxoak 6, Artelekun
19:00. BROU ANIMAC I
Isabel Herguera-ren eskutik azken urtean ekoiztutako animazio independenteko laburmetraien sorta.

Cirugía, Alberto González Vázquez, Espainia 2006, 2’15’’
Who I am and what I want, Chris Shepherd, David Shrigley, Erresuma Batua 2005, 7’30’’
Dreams and Desires–Family Ties, Joanna Quinn, Erresuma Batua 2006, 10’
Never like the first time, Jonas Odell, Suedia 2005, 14’30’’
Rabbit, Run Wrake, Erresuma Batua 2005, 8’30’’
Doom Farm, Ian Hickman, Erresuma Batua 2005, 6’01’’
Lightning Doodle Project (PIKA PIKA), Takeshi Nagata, Kazue Monno, Japonia 2006, 4’
Història tràgica com final feliz, Regina Pessoa, Portugal 2005, 7’46’’

Iraupena guztira: 59’52’’


20:00. IKUS-ENTZUNEZKO KONTZERTUA: CELLULE D’INTERVENTION METAMKINE
Metamkine talde frantziarrak bere jardueretako bat aurkezten du, eszenatokian aldi berean musikariak eta zinemagileak biltzen dituena, zuzenean inprobisatuz eta bai soinuak baita irudiak ere eskuz sortuz, zine-proiektagailuak nahiz magnetofonoak bezalako tresna analogikoak erabiliz. Metamkine-k irudiaren eta soinuaren arteko jolas pertsonal bat proposatzen du, eurek "zinema belarrientzat eta musika begientzat" adierazpenarekin definitzen duten bi diziplinen arteko lotura dena.

Jérôme Noetinger, gailu elektroakustikoa.
Christophe Auger, zine-proiektagailuak.
Xavier Quérel, zine-proiektagailuak.



Asteazkena, martxoak 7, Artelekun
19:00. MIKHAIL JAUNAREN IZARRAK
Mikhail Aldashin-en sorta eta aurkezpena.

Mikhail Aldashin zinemaren lengoaiaren era guztiak menperatzen dituen margolari bat da. Esku artean duen objektua dena dela ere, beti dotoreziaz eta biribiltasunez amaitzen dituen istorioak asmatzen ditu. Oso litekeena da horren arrazoia artista honen berezko talentua ez ezik bere maisu eta lankideen ekarpena ere izatea.

Tales of Tales, Yuri Norstein, Errusia 1978, 29’
The Other side, Mikhail Aldashin, Errusia 1993, 8’29’’
Story of Moscow Czars, Mikhail Aldashin, Errusia 1997, 1’15’’
Bukashki, Mikhail Aldashin, Errusia 2002, 10’
About Ivan the Fool, Mikhail Aldashin, Errusia 2005, 11’05’’

Iraupena guztira: 59’49’’


Osteguna, martxoak 8, Artelekun
19:00. "FANTASÍAS ANIMADAS DE AYER Y DE HOY"-K AURKEZTUA:
TRANSORIENT EXPRESS
Iraupena: 40’

Transorient Express Xabier Erkiziak koordinatutako eta Lleidako Udaleko Kultura Ekintzako Udal Institutuak (IMAC) eta Arteleku-Gipuzkoako Foru Aldundiak koproduzitutako ikuskizuna da.

Ikus-entzunezko ikuskizun hau, berariaz Animac-en 11. erakusketarako sortu dena, animaziozko bost laburmetraia proiektatzean datza, horien musika zuzenean sortuko delarik. Herrialde eta musika kultura ezberdinetatik datozen hiru musikariren lehendabiziko elkarlana da: Josep Maria Baldomà i Monesma (Katalunia), Xabier Erkizia (Euskadi) eta Babar Sheikh (Pakistan).

Laburmetraien emanaldia
Lux, Vuk Jevremovic, Serbia 2006, 8’30’’
Lanpara baten argi goxoak denboran zehar bidaiatzera garamatza Lleidako La Seu Vella katedralaren barnera, zeinen memorian gordeta dago hiriaren jatorria eta historia. Denboraren arkitektura organikoan zehar egindako bidaia zoragarria da.

Kaleidoscope Jazz Chair, Charles eta Ray Eames, EE.BB. 1960, 6’28’’
Charles eta Ray Eames itzal handiko XX. mendeko diseinatzaileak izan ziren, diseinu industrialaren iraultza eragin zutenak, masengana hurbiltzeko asmoz. Diseinatzaile gisa beren filosofiaren muina segurtasunari, erosotasunari eta ezagutzari dagokionez gizakiaren oinarrizko beharrak asetzeko grina da. Era guztietako material eta bitartekoak probatu zituzten, besteak beste, animazio zinema.

iCal
Dokumentu Akzioak